“Bandat” e qenëve rrugaçë pushtojnë Tiranën

Nga Malvina Gorreja – 

Qentë “rrugaçë”  të kryeqytetit mund të të zënë pritë në çdo kohë. Ata janë të pranishëm çdo ditë, jo vetëm në rrugët periferike por deri në qendër të Tiranës. Rreziku më i madh që vjen prej tyre është fakti se janë mbartës të sëmundjeve infektive. Për fat të keq bandat e qenve të rrugës nuk kursejnë as zonat pranë spitaleve. Mbeturinat në ambjentet e QSUT-së, tërheqin aty qen të infektuar, që kërkojnë ushqim duke përbërë shqetësim për njerëz të sëmurë ose jo.

Kudo që të jemi nëse ndodh që të kafshohemi nga një qen rrugësh, duhet të drejtohemi tek një mjek specialist pasi mund të na përçohen sëmundje të ndryshme. Sipas mjekes veterinare Bruna Mazari, duhet të tregohemi të vëmendshëm dhe të mos neglizhojmë në asnjë rast sulmet e qenve “rrugacë” dhe sëmundjet e tyre ngjitëse.

“Jo të gjithë qentë e rrugës janë të sëmurë dhe agresivë. Por në përgjithësi këta qen të paushqyer mirë, mbartin disa sëmundje si: zgjebja, terbimi, dermatofitoza apo leshmanjoza, të cilat mund të  merren nga kontakti me kafshë të infektuara por vecanërisht nga kafshimi i tyre”-shpjegon Bruna Mazari

Jo në pak raste kemi dëgjuar për qytetarë që janë sulmuar, venanërisht natën, nga qen që enden lirshëm nëpër rrugë. Në të tilla raste mjekët rekomandojnë që të bëhet tetanozi.

Mjekja veterinere, Bruna Mazari

“Kur një person kafshohet nga një qen, vecanërisht nga ata që janë të pavaksinuar, duhet bërë patjetër vaksina e tetanozit. Mendohet se qentë kanë në aparatin e gojës atë që quhet klosidum tetani, ndaj mund të përcojnë infeksione gjatë kafshimit”-vijon mjekja veterinere, Mazari.

Edhe nëse nuk janë të rrezikshëm, për këdo përballja me qentë në rrugë është një eksperiencë e pakëndshme dhe e frikshme. Disa ndjejnë vetëm keqardhje… “Nuk kam frikë por më vjen keq teksa i shikoj në rrugë. Janë disa spitale veterinare ku mund të transportohen. Bashkia duhet të ofrojë një fond që këta qen të mund të trajtohen ashtu si në vendet e tjera”-shprehet një qytetare rreth të tridhjetave.

Pluhurat dhe temperaturat e larta e shtojnë edhe më shumë frikën e  infektimit nga sëmundjet ngjitëse të qenve të pavaksinuar. “Në kulmin e  kësaj vape është edhe frikë kur shikoj qen teksa eci nëpër rrugë. Mund të bëhen agresivë. Më duket e nevojshme që ata të vaksinohen sepse janë problem jo vetëm për fëmijët por edhe për të rriturit”- insiston një zonjë e moshuar.

Teksa shkojmë për të shëtitur në kodrat e liqenit artificial, duket të tregohemi të kujdesshëm, e të mos i provokojmë qente që duket sikur janë rehatuar në territorin e tyre. Jo vetëm enden nëpër zonë por madje edhe flenë ngjitur me njerëzit që kanë shkuar aty për piknik.

Kjo nuk është vetëm panorama e liqenit artificial. Edhe në zonën e stacionit të trenit prania e këtyre kafshëve të pakëndshme, është e dukshme.  Pranë tregut të rrovabe të përdorura, kryesisht në ambjente të ndotura, qentë gjejnë hapsirat e tyre të preferuara.

Qyteti Studenti po ashtu  duket si një vend grumbullimi i preferuar për qentë e rrugës, të cilët jo pak herë janë treguar edhe agresivë me studentët. Ky vazhdon të mbetet një realitet që na shoqëron cdo ditë. Ecim nëpër rrugë të shoëruar nga qentë “rrugacë”!

Jo të gjithë qentë që enden rrugëve kanë fatin e keq të mbeten përgjithmon në mëshirë të fatit. Në Shqipëri, kryesisht në Tiranë, edhe pse mbeten të

Qen te pa vaksinuar

pakta, janë shtuar rastet e qytetarëve të cilët i marrin qentë e rrugës dhe kujdesen për ta. Vetërenerët bëjnë apele të vazhdueshme në këtë drejtim.

“Sa herë më jepet mundësia i këshilloj qytetarët që të marrin një qen rruge, kryesisht në moshë të vogël, ta vaksinojnë rregullisht e ta rrisin atë. Qen të tillë bëhen më të afrueshëm dhe më tepër besnikë sesa një qen që mund ta blejmë shtrenjtë në dyqan.”- tregon veterinerja Mazari, referuar edhe nga eksperienca e saj.

Kohët e fundit në Shqipëri është rritur ndërgjegjësimi qytetar për kujdesin që duhet treguar ndaj kafshëve, vecanërisht ndaj qenve. Megjithatë, nuk kanë qënë të pakta rastet kur bashkia e Tiranës ka ndërmarrë aksione për t’i vrarë gjatë natës qentë e rrugës. Kjo nuk ka rezultuar si një zgjidhje efektive duke u kritikuar nga organizatat apo personat në mbrojtje të kafëshëve. Realiteti nëpër në çdo rrugë të Tiranës, na tregon se shteti nuk po mundet t’i vaksionojë apo t’i grumbullojë në mjedise të përshtatshme ku njerëzit të mos rrezikojnë. Ndoshta duhet ta bëjmë ne si qytetarë, t’i ushqejmë , t’i vaksinojmë e t’i kthejmë në qen të mbarë. Po ne a e kemi kulturën për ta bërë diçka të tillë?!